Ego ibarraren erdian, Eibar hiri armagilea agertzen zaigu eskualdeko hiri nagusi gisa, biztanlegoaren gehiengoa han bizi delarik. Eibarrek, gainera, egunez egun eskaintzen ditu zerbitzu berriak, bertako pertsonei nahiz enpresei zuzenduak, eta horrela lortzen du etorkizunean izango den hirugarren sektoreko hiri horretarako bidean piskanaka araldatzea.

Eibarrek aukera handiak eskeintzen dizkie mendizaleei.

Urkora joateko Amaña auzotik abia daiteke, Santa Kruz emitta eta Ixua aldea jendearen gustokoak dira, Usartzan ere jende ugari egoten da. Urkotik hurbil , Hirumugarre mendiska dugu, 712 metroko garaiera duena. Ermua, Eibar eta Mallabia herriak hortxe bertan elkartzen dira, mugarriek ondo erakusten duten moduan.

Kalamua edo Max mendiak 768 metro ditu eta Usartzatik edo Krabelin gainetik 688 metroko garaiera duen Aizketa mendiska zeharkatu eta Kalamuara iristeko bideskak benetan ikusgarriak dira. Kalamuatik Markinarantz joanez gero, eibartarrondoko hain ezaguna den "parlamentua" aurkituko dugu iturri eta guzti. Kalamuarako bidean Akondia edo Arrikurutz mendia dugui 749 metroko garaiera duena, Usartzatik iristerraza . Garagoiti ere han dugu, 675 metrokoa. 

Galdaramiñora joateko, Unbe edo Txontatik abia gintezke. 675 metroko gaina duen mendiska horretatik hurbil San Salbador auzoa eta Topinburu, 591 metro, mendiak ditugu.

Eskualdeko bizilagun askok hautatzen duten pasealekua eta aisialdirako gune dira Arrateko zelaiak, Ixua eta Usartza, Urko mendiaren inguruetan, eta Aixolako urtegia, Egoarbitza mendiaren oinean, azken honetan kirol ugari egiten da: piraguismoa, wind-surfing, arrantza, eta abar.

Eibarren, Arrateko Amaren Santutegia derrigorrez aipatzekoa da. Arrateko Amari buruzko lehenengo berriak XIII. mendekoak dira, eta elizan dagoen Andra Mariaren irudia XIV. Mendekoa da, Carlos Elgezua eskultoreak bere garaian berriztua. Elizaren oinplanoa gotikoa da eta aintzinako hormaren gainean tenperan egindako balio handiko pintura du, Maria, San Juan eta Magadlena Kalbarioan. Ignacio Zuloagak lau kuadro utzi zizkion Arrateko Amari eta hantxe dauzkagu ikusgai.

Aginagako San Migel ermitan erromanikoaren azken garaiko edo gotikoaren hasierako bataiarria dugu. Hor dagoen XV. mendeko Amabirjina dugu Eibarrek gotikoan duen irudirik adierazgarriena, egur polikromatuz egina. Azitaineko Andra Mari parrokian XVII. Mendeko Kristoa dugu, bizar barikoa, pertsona baten tamainokoa.

San Andres Parrokia XII. Mendekoa da,zutabeduna da eta oinplanoa gurutz itxurakoa, abside birekin. Aldera sartalderantz dago ajrria. Zutabeetan kapitel doriarrak eta korintarrak ikus ditzakategu. Barruan San Pedroren irudia, erromanikoa. Erretaula nagusia XVI. mendekoa da eta Andres de Araozek egin zuen. XVII. mendeko organoa ere badu.

Llevaren badira besta hainbat ermita: Mandiola aldean dagoen Santa Kruz, Elgeta aldeko San Salbador, Akondiako San Pedro eta egur polikromatuz landutako Santa Agedaren irudia duen San Roman, Aginaga aldean.

Eibarri buruzko lehen berriak XII. mendekoak dira, Untzueta Dorretxeari buruzkoak hain zuzen ere. Orain ezagutzen dugun etxe hori XVII. mendekoa da baina XII. mendeko dorre zaharraren oinarrietan euskarritua dago. Oraindik han dauzka babesteko erabiltzen zituzten zirrikituak edo lehiatilak.

Geroagoko dorretxea dugu (XVI. mendekoa) Isasiren "Markeskua" izenekoa, gaur egun "Herriaren Europa" erakundearen egoitza bertan hartzeko zaharberritu dena. Baditu oraindik zantzu errenazentistak, fatxada nagusiko armarri bikaina, adibidez.

Aldatseko Jauregia, XVI. mendean aipatua, barrokoa da, handia, Iñarratarren armarri ederra aurrean duela, alde banatan jarrita dauden sirena zenbaitek eta goialdian duen kaskoak osatua, hortik ezpata bat eusten duen besoa aterata.

Untzagako enparantzan mende hasieran Ramon Kortazar arkitektu ospetsuak eraikitako Udaletxea. Arkupea du, alde batetik bestera doana, eta dotore ipinitako aurreko fatxada nagusian, korintiar itxurako zutabeak.

Joan den urtean(1.996)zabaldu zen Portalea, eibartarrek gaur egun duten Kultur Etxea osatu eta interesgarria. Honen kokapenarako, industri eraikin tradizional bat berreskuratu da eta honen neurriei esker, bertan bil daitezke liburutegia, erakusketa-areto paregabea, euskaltegia eta zenbait tailer eta eskola, hala nola marrazki, zeramika, dantza, eta abarrekoa.

Balio Pedagogiko handikoa dugu Deba Beheko Eskola Antzerkiaren Mostra, UNESCOk interesgarritzat jo eta katalogatu duena.

Armagin Eskolak gordetzen ditu Eibarko Arma Museoa izango denaren fondoak, hiri armagilearen mendeetako jardueraren eta orokorrean eskualdekoaren erakusgai bikaina, XV. menditik egiten baitira armak eskualdean eta oraindik ere badira fabrika txikiak, teknika tradizionalak erabiliz aparteko akabera duten armak egiten dituztenak.

Eibarko zenbait kultur elkarte honako hauek dira: Eibarko Klub Deportiboa (aktibitate kultural eta kirolaz arduratzen da),Eibartar Artisau Taldea, Arrate Kultur Taldea,Arrate Filateli Taldea, Eta Kitto, Sostoa Abesbatza eta Ego Ibarra taldea. Azken talde honek lan asko egin du Eibar buruzko testuak errekuperatu eta argitaratzen.